ເຄື່ອງມື ແລະ ອຸປະກອນທີ່ໃຂ້ໃນການທາສີ

ຈຸດປະສົງ

     ວຽກ​ສີ​ເປັນ​ວຽກ​ໜຶ່ງ​ຂອງ​ຊ່າງ​ທີ່​ຈຳ​ເປັນ​ຕ້ອງ​ໄດ້​ນຳ​ໃຊ້​ເຄື່ອງມື ​ແລະ ອຸປະກອນ​​ໃນ​ການ​​ເຮັດ​ວຽກ​ເພື່ອ​ໃຫ້​ວຽກ​ດັ່ງກ່າວ​ບັນລຸ​ຕາມ​ເປົ້າໝາຍ​ທີ່​ໄດ້​ກຳນົດ​ເອົາ​ໄວ້​ຖ້າ​ຂາດ​ເຄື່ອງມື ຫຼື ອຸປະ​ກອນບາງ​ຢ່າງ​ໃນ​ຂະນະ​ທີ່​ເຮັດ​ວຽກ​ກໍ່​ອາດ​ຈະ​ເຮັດ​ໃຫ້​ວຽກ​ດັ່ງກ່າວ​ເກີດ​ການ​ຫຼ້າ​ຊ້າ​ຈົນ​ໃນ​ທີ່​ສຸດ​ບໍ່​ສາມ​າດບັນ​ລະ​ຜົນ​ຕາມ​ທີ່​ໄດ້​ກຳນົດ​ເອົາ​ໄວ້.

ເຄື່ອງມື ແລະ ອຸປະກອນທາສີ

   1.ຟອຍ​ທາສີ

ໃນການເລືອກຟອຍທາສີໂດຍທົ່ວໄປແລ້ວ ຄວນເອົາໃຈໃສ່ດ້ານຄຸນນະພາບຂອງຟອຍ, ຟອຍທາສີທີ່ມີຄຸນນະພາບ ນັ້ນຈະເຮັດໃຫ້ສີບໍ່ຍ້ອຍອອກໄປໃນເວລາທາສີ ນອກລຈາກນີ້ຍັງທາໄດ້ລະອຽດ, ບໍ່ມີຄອງ ຫຼື ຮອຍຟອຍທາສີຈ່ງເປັນ ຜົນດີເຮັດໃຫ້ເກີດການປະຢັດ ແລະ ວຽກກໍ່ລະອຽດສວຍງາມ.ຊະນິດ ແລະ ຂະໜາດຂອງຟອຍທາສີນັ້ນ.

Ø  ຟອຍ​ທາສີ​ປະກອບ​ດ້ວຍ 3 ປະ​​ເພດ​ຄື:

ຟອຍທາສີນ້ຳມັນ

1. ຟອຍທາສີນ້ຳມັນ

ຟອຍທາສີຊະນິດນີ້ຂົນຟອຍເຮັດມາຈາກຂົນຟູຂອງກະຕ່າຍ ໃນຍຸກປະຈຸບັນແມ່ນນິຍົມກັນໃຊ້ຂົນຟອຍທີ່  ເຮັດ ດ້ວຍ ໄນລອນ ( nylon) ເນື່ອງຈາກວ່າມັນມີຄວາມທົນທານໃນການຈີກຂາດໄດ້ດີກ່ວາຂົນສັດ ຟອຍສະນິດນີ້ມີ ຄຸນນະພາບດີຂົນຟອຍຈະແຂງເປັນເສັ້ນຊື່ບໍ່ແຕກກະຈາຍ ບໍ່ຫຼຸດອອກຈາກກ້ານຟອຍໄດ້ງ່າຍ, ປາຍຂອງຟອຍຈະ ຕັດພຽງ ກັນດີ ນອກຈາກນີ້ແລ້ວຟອຍມີຄວາມສະອາດ,ຢືດ ແລະ ຫົດຕົວໄດ້ ໃຫ້ພະຍາຍາມກວດເບິ່ງຂົນຟອຍດ້ວຍມືກ່ອນ ການຕັດສິນໃຈເລືອກໃຊ້ຟອຍຊະນິດຍີ້ມີຫຼາຍລະດັບ ແລະ ຂະ ໜາດແຕກຕ່າງກັນເຊັ່ນ: 1-4 ນີ້ວ ເໝາະສົມທີ່ສຸດ ໃນການນຳໃຊ້ທົ່ວໆໄປ.

ຟອຍທາສີຄັດເງົາ

2. ຟອຍທາສີຄັດເງົາ

ຟອຍຊະນິດນີ້ໃຊ້ໃນການທາສະແລັກ,    ສີວານິດ, ແລັກເກີ  ແລະ  ນ້ຳມັນເຄືອບເງົາອຶ່ນໆຂົນຟອຍອ່ອນ, ລະອຽດ ສ່ວນຫຼາຍເຮັດມາຈາກຂົນສັດ (ຂົນກະຕ່າຍ), ດ້າມຂອງຟອຍເຮັດດ້ວຍໄມ້ໄຜ່ນ້ອຍແລ້ວເອົາ ມາຕິດກັນເຮັດເປັນຫຼາຍຂະໜາດ  ຖ້າເປັນຟອຍຂະໜາດໃຫຍ່ເຮົາສາມາດຕັດແຍກອອກມາເປັນຟອຍຂະໜາດນ້ອຍໄດ້ ຟອຍຊະນິດນີ້ມີຫຼາຍລະດັບແຕ່ຄວນນຳໃຊ້ລະດັບທີ່ມີຄຸນນະພາບສູງເທົ່ານັ້ນຈະເປັນການດີ ຖ້າເປັນຟອຍລະດັບຕ່ຳ ຂົນຟອຍຈະຫຼຸດອອກໃນເວລາທາສີ.

ຟອຍດອກຫຍ້າ

3. ຟອຍດອກຫຍ້າ

ຟອຍຊະນິດນີ້ເຮັດດ້ວຍຫຍ້າເຊິ່ງມີດອກເປັນຝອຍຕິດຕາມກ້ານ,ຫຍ້າຊະນິດດຽວກັນກັບເຮັດຟອຍປັດເຮືອນ ເປັນຟອຍໃຊ້ສຳລັບທາສີນ້ຳທຸກຊະນິດເຊັ່ນ: ສີນ້ຳ,ສີປູນ ແລະ ສີປຼາສະຕິກຟອຍຊະນິດນີ້ມີທັງ ເຮັດສຳເລັດ ແລະ ນຳມາມັດເອົາເອງເຮົາສາມາດເຮັດເປັນມັດໃຫຍ່ ແລະ ນ້ອຍໄດ້ຕາມທີ່ຕ້ອງການ.